Comunicat del 10 de febrièr de 2015

  • Post author:

Universitat occitana d’estiu de La Guépia (82), 13-18 de julhet 2015 incluses

Los corses de lenga per totes los nivèls, de l’iniciacion al perfeccionament, se faràn amb los intervenents de l’an passat (F. Vialada, R. Carrièr, M. Vernhièiras, S. Gairal, R. Jurièr).

L’obrador de revirada (S. Carles, C. Sicre) — que part d’una escota de l’experiéncia lengatgièra dels participants per entraïnar tot lo monde cap a una reflexion linguistica e literària al còp aprigondida e a la portada de totes — se contunharà amb l’obrador de literatura de Roland Pecot.

Cada jorn, de conferéncias o de taulas redondas en occitan e en francés tractaràn d’un tèma particular (istòria, literatura, present e avenir de l’accion occitanista, ecologia…)

Manu Théron, Anaïs Vaillant et Flore Sicre seràn aquí tota la setmana pels obradors de cant, de musica, d’aprendissatge d’instruments e de dança.

Projeccions de filmes, concèrts, seradas amb d’abitants, fèsta de la lenga del dissabte amb lo concors de racontes e burlas seràn al rendètz-vos coma l’annada passada.

Lo programa detalhat amb las modalitats d’inscripcion serà lèu difusat e se poirà telecargar sul site.

 

Organisators : Lenga viva,  Carrefour Culturel Arnaud-Bernard, Escambiar

Partenaris :  associacions CITRUS, Lez’Art Festival.

 

Entresenhas : Renaud Savy 06 42 50 34 84

Corrièl Lenga Viva :  renaud.lengaviva@gmail.com