Per començar dins la jòia e la bona umor, lo dimenge 10 de julhet serà lo grand jorn de la fèsta de la lenga amb lo concors de racontes e de burlas. Podetz tre ara furgar dins vòstre estòc de galejadas e partir en quèsta de la que nos farà totes espetar de rire ! Coma cada annada, un prèmi serà remés al grand ganhant, o a la granda ganhanta.
Los intervenents F. Vialada, R. Carrièr, M. Vernhièiras e S. Gayral vos prepausaràn de corses de lenga per totes los nivèls, de l’iniciacion al perfeccionament, cada matin del diluns 11 al divendres 15 de julhet, de 9 oras cap a miègjorn.
L’obrador de revirada partís d’una escota de l’experiéncia lengatgièra dels participants per entraïnar tot lo monde cap a una reflexion linguistica e literària al còp aprigondida e a la portada de totes. Sèrgi Carles ba animarà cada matin del diluns 11 al dijòus 14 de julhet.
Se contunharà amb l’obrador de literatura de Gauthier Couffin : “Itinerari dins la pròsa narrativa d’Yves Roqueta”, per la matinada del divendres 15 de julhet.
Cada jorn, de conferéncias o de rencontres en occitan e en francés tractaràn d’un tèma particular (istòria, literatura, present e avenir de l’accion occitanista …).
Al fial de la setmana, Manu Théron, Corinne Giacomello et Flore Sicre prepausaràn de talhièrs de cant, de musica, e de dança.
L’Associacion Aquí l’Òc serà ela tanben presenta a La Guépia la setmana tota per un talhièr amb de libres e de produches culturals occitans ( libres, de Carcin e de la rèsta d’Occitània, de CD, de DVD, produches derivats…).
Enfin, projeccions de filmes, concèrts, seradas amb d’abitants, seràn tanben al rendètz-vos coma l’an passat.
Lo programa detalhat amb las modalitats d’inscripcion serà lèu difusat e se poirà telecargar sul aquel blòg.
Pe
l moment, podetz jà balhar una ulhada aquí : http://lengaviva.com/programa/ .
Organisators : Lenga viva, Carrefour Culturel Arnaud-Bernard, Escambiar
Partenaris : Lez’Art Festival.