La Seria per Amic Bedel e Julien Campredon

La Seria per Amic Bedel e Julien Campredon

  • Post author:
  • Post category:2015

Lo dimecres 15 de julhèt, Lenga Viva presenta La Seria

La Seria,  primièra seria occitana faita per la television. Pensada, escrita e  realitzada per Amic Bedel (Piget Prod, realisator entre autre de Viure al Pais…) e Julien Campredon (autor de Brûlons tous ces punks pour l’amour des elfes), los dos primièrs episòdis seràn mostrats a La Guépia pendent l’Universitat Occitana d’estiu lo dimecres 15 de julhèt a 22h. L’escasença pel public present d’escambiar sus aquesta experiència unenca que ja a sauput agradar als contributors sus la platafòrma de finançament participatiu Ulule, ont mai de 9000€ foguèron amassats. En esperar una difusion sus una cadena de television nacionala ? Es tot çò que podèm soetar a-n aquesta creacion made in Occitània.

Sinòpsi :

Matthieu Velhaguet es un jove miègjorn-pirenenc, amb l’accent, los diumenges a l’ostal dels parents per beure de pastis e manjar de grasilhadas. Son paire entreprenaire de pompas funebras, a tot naturalament montat una entrepresa de films d’enterraments, filmsdenterrement.com. Tot aniriá plan dins la vida de Matthieu Verlhaguet se un jorn n’aguèt surgit dins sa vida Thomas Lebouly, un occitanista illuminat que li vòl obligar a l’ajudar per montar una seria audiovisuala en occitan.

m